*Winner of the 2021 Eriata Oribhabor Pidgin Poetry Prize, The Muse Journal.

I go buy akara for junction one Saturday morning

I see you dey talk, your voice sweet like honey

My heart beat begin beat fassfass

E Don happen, na love be this lass lass

No time to waste, as a sharp girl I begin whine my waist

This akara joint go be my dance hall

Take my hand con be my all in all

Dance with me I go be your queen

Because na for this junction I find my king

You be my king I nor dey kid

Marry me make we make kids

God bless this Saturday because you don find your missing rib

“Wetin you wan buy?” the woman ask me dey vex

“Akara and bread”, I reply am with stress

I pay for the thing begin wakadey go

I look back you nor bother reason my side

Now I don reach house and na you still dey mind

If nor be love be this then tell me wetin e be nor lie

Kathryn Oluwatosin Olushola is a young writer and photographer who hails from Lagos State, Nigeria. She is currently a 200 level student in the Faculty of Engineering at the University of Nigeria, Nsukka.