If I no say na lyk dis e go be
I for enter Ochanja market fass fass
My bags and shoes for don turn Gucci and
Gabbana
If I no say na lyk dis e go be
My mama for no borrow dat moni
My papa nko?
E for no sell the only land wey we get
If I no say na lyk dis e go be
Shebi, I for follow my guys cross Sahara dat
time
I bin dey form Williams Shakespeare.
Which kain Wahala be dis?
Person don enter school
Dey happy lyk say e win lottery
All na kwagmaya
Dat NYSC unifom wey I bin dey eye
No go reach me again
Make I tell you why?
I dey wait ASUU strike, my age come pass
I no fit talk everything here
My mouth don full
But the matter we dey try settle, be say
I don enter school
Na to graduate remain.

Divine Nnenna Onwuka is a student of English and Literary Studies at the University of
Nigeria, Nsukka. She is a lover of African literature. If you do not find her in the world of
Literary writing, you will be sure to see her in Content writing.